VIÐBRÖGÐIN VORU SEND TIL ÁSKRIFENDA Í KJÖLFAR UPPGJÖRS OG ERU BIRT OPINBERLEGA NÚNA - NEÐANGREINT MIÐAST VIÐ ÞÆR UPPLÝSINGAR SEM LÁGU FYRIR KVÖLDIÐ 11. FEBRÚAR 2026.
STUTTA ÚTGÁFAN
Gott uppgjör þar sem hagnaður er töluvert umfram væntingar en undirliggjandi hagnaður undir væntingum
Jákvætt:
Vaxtamur og útlánavöxtur umfram væntingar
Góður gangur í Bretlandi
Fjármunatekjur langt umfram væntingar
Arðgreiðslugeta um 18% af markaðsvirði
Neikvætt:
Þóknanatekjur undir væntingum
Undirliggjandi hagnaður undir væntingum
Kvika birti uppgjör fyrir fjórða ársfjórðung 2025 og árið í heild fyrr í dag. Hagnaður tímabilsins er í umfram væntingar AKKUR og litast af fjármunatekjum sem eru langt umfram væntingar á meðan undirliggjandi hagnaður er undir væntingum.
Hér að neðan má sjá samantekt á uppgjöri bankans borið saman við spá AKKUR og fyrra ár.
Eins og sést á þessari samantekt eru kjarnatekjur og undirliggjandi hagnaður fyrir skatta lítillega undir væntingum.
Jákvæðir punktar
Útlánavöxtur nam 6,1% á fjórðungnum sem er mjög sterkt og umfram væntingar AKKUR. Vaxtamunurinn var sömuleiðis sterkur eða 4,3% og umfram væntingar. Þetta gefur góð fyrirheit fyrir komandi misseri og ef fer sem horfir gætu stjórnendur náð markmiði um stækkun lánabókar fyrr en mat AKKUR hefur gert ráð fyrir.
Starfsemi Kviku í Bretlandi átti góðan ársfjórðung. Til þess að setja í samhengi þá var tap af bresku starfseminni árið 2023 upp á 262m, árið 2024 var hagnaður upp á 1,3ma og árið 2025 var hagnaðurinn 1,7ma (fyrir skatta). Það er alvöru viðsnúningur.
Fjármunatekjur voru langt yfir væntingum AKKUR en líkt og áður hefur komið fram er minna vægi lagt á sveiflukennda liði líkt og fjármunatekjur. Vert er að benda á að þetta er þrátt fyrir að bankinn hafi gjaldfært 190m kostnað við endurkaup á eigin skuldabréfum á fjórðungnum.
Bankinn sér fram á að geta skilað allt að 15mö til hluthafa á árinu í gegnum arðgreiðslur og endurkaup. Hluti af fjárhæðinni er skilyrtur við að bankinn gefi út AT1 skuldabréf en hann er í dag að nýta u.þ.b. 4ma af eigin fé í stað AT1. 15ma eru u.þ.b. 18% af markaðsvirði og því verulegur hluti af heildarvirði bankans.
Neikvæðir punktar
Þóknanatekjur voru undir væntingum AKKUR. Munurinn liggur nokkurn veginn jafnt í lægri tekjum af fjárfestingarbankastarfsemi, en þær tekjur geta verið töluvert sveiflukenndar, og lægri tekjum af eignastýringu. Samkvæmt uppgjörskynningu eru tekjur af eignastýringu að dragast saman milli ára vegna árangursgreiðslna á fyrra ári sem ekki skila sér á þessu ári.
Þegar þetta er allt tekið saman er undirliggjandi hagnaður undir væntingum. Ástæðan er fyrst og fremst vegna lægri tekna af fjárfestingarbanka og eignastýringu.
Niðurstaða
Gott uppgjör þar sem hagnaður er umfram væntingar en undirliggjandi hagnaður undir væntingum.
Verðlagning
Miðað við dagslokagengi í dag er markaðsvirði bankans 83ma að teknu tilliti til eigin bréfa sem þýðir að hann er metinn á 19,0x hagnað ársins 2025. Á P/B mælikvarða er bankinn er metinn á 1,20x bókfært eigið fé eða 1,77x efnislegt eigið fé.