VIÐBRÖGÐIN VORU SEND TIL ÁSKRIFENDA Í KJÖLFAR UPPGJÖRS OG ERU BIRT OPINBERLEGA NÚNA - NEÐANGREINT MIÐAST VIÐ ÞÆR UPPLÝSINGAR SEM LÁGU FYRIR KVÖLDIÐ 5. NÓVEMBER 2025.
STUTTA ÚTGÁFAN
Fínt uppgjör en undirliggjandi hagnaður undir væntingum
Jákvætt:
Sterkur úlánavöxtur og vaxtamunur
Fjármunatekjur langt umfram væntingar
Neikvætt:
Rekstrarkostnaður yfir væntingum
Undirliggjandi hagnaður undir væntingum
Kvika birti uppgjör fyrir þriðja ársfjórðung 2025 fyrr í dag. Hagnaður tímabilsins er í samræmi við væntingar AKKUR og litast af fjármunatekjum umfram væntingar á meðan undirliggjandi hagnaður er töluvert undir væntingum.
Hér að neðan má sjá samantekt á uppgjöri bankans borið saman við spá AKKUR og fyrra ár.
Eins og sést á þessari samantekt eru hreinar kjarnatekjur lítillega undir væntingum og rekstrarkostnaður töluvert yfir væntingum. Þetta skilar sér í því að undirliggjandi hagnaður er töluvert undir væntingum.
Þó að undirliggjandi hagnaður sé undir væntingum AKKUR þarf þó að staldra við og benda á að þetta er töluvert betri afkoma en á fyrra ári og því augljóst að stjórnendur eru á réttri vegferð.
Jákvæðir punktar
Útlánavöxtur nam 13,7% á fjórðungnum sem er mjög sterkt og í samræmi við væntingar AKKUR. Vaxtamunurinn var sömuleiðis sterkur áfram eða 4,0% og umfram væntingar.
Fjármunatekjur voru langt yfir væntingum AKKUR en líkt og áður hefur komið fram er minna vægi lagt á sveiflukennda liði líkt og fjármunatekjur.
Neikvæðir punktar
Rekstrarkostnaður var töluvert umfram væntingar AKKUR. Launakostnaður jókst um 15% milli ára þrátt fyrir óbreyttan starfsmannafjölda. Launakostnaður hafði hækkað mjög hóflega á fyrri hluta ársins samanborið við fyrra ár og kom þessi mikla hækkun því á óvart.
Þegar þetta er allt tekið saman er undirliggjandi hagnaður töluvert undir væntingum. Kjarnatekjur lítillega undir væntingum og rekstrarkostnaður töluvert yfir væntingum. Líkt og komið var inn á að ofan má hins vegar ekki gleyma því hvaðan við erum að koma þó að niðurstaðan sé undir væntingum.
Niðurstaða
Fínt uppgjör en undirliggjandi hagnaður töluvert undir væntingum. Mestu vonbrigðin eru mikil hækkun á launakostnaði.
Verðlagning
Miðað við dagslokagengi í dag er markaðsvirði bankans 73ma að teknu tilliti til eigin bréfa sem þýðir að hann er metinn á 15,7x hagnað síðustu tólf mánaða eða 9,3x hagnað ársins 2026 miðað við síðustu spá AKKUR. Á P/B mælikvarða er bankinn er metinn á 1,08x bókfært eigið fé eða 1,61x efnislegt eigið fé.