- AKKUR - Greining og ráðgjöf
- Posts
- ARION: Jákvæð afkomuviðvörun
ARION: Jákvæð afkomuviðvörun
Viðbrögð við afkomuviðvörun
Alexander Hjalmarsson
January 20, 2025
Arion banki sendi frá sér jákvæða afkomuviðvörun í morgun sem má sjá hér.
Samkvæmt tilkynningunni er hagnaður á fjórða ársfjórðungi um 8,3ma.kr. sem er tæplega 30% yfir meðalspá greiningaraðila. Hagnaður ársins 2024 mun þá enda í kringum 26,1ma.kr sem er tæplega 10% yfir meðalspá.
Helstu ástæður sem bankinn gefur upp eru að betri afkoma af verðbréfum (fjármunatekjur) og jákvæð virðisrýrnun en kjarnatekjur eru í línu við spá greiningaraðila.
AKKUR átti von á því að bankinn myndi færa til baka einhverja virðisrýrnun en í verðmati er þó ekki reynt að spá fyrir um hvenær það gerist og gert ráð fyrir að virðisrýrnun verði svipuð í gegnum allt spátímabilið en í frumskýrslunni kom eftirfarandi fram:
• Samkvæmt skilaboðum bankans má vænta þess að virðisrýrnun muni nema 0,20-0,25% af lánabók í gegnum hagsveifluna miðað við núverandi samsetningu.
• Það er hins vegar fátt sem bendir til mikilla útlánatapa í dag og ef verðbólga heldur áfram að færast nær markmiði og vextir lækka eru líkur á að virðisrýrnun undanfarin misseri hafi verið ofmetin.
• Gæti þýtt að bankinn muni færa jákvæða virðisrýrnun sem mun auka hagnað og þ.a.l. arðgreiðslugetu.
Það er ekki gefið upp nákvæmlega hversu mikil jákvæða virðisrýrnunin er en þá má gera ráð fyrir að hún sé einhversstaðar á bilinu 0,5-1,5ma.kr. Þetta hefur ekki áhrif á væntingar til framtíðar en eykur arðgreiðslugetu bankans um sem nemur þessari upphæð og því jákvæðar fréttir.
Hér að neðan má sjá samatekt á spá AKKUR og annarra greiningaraðila á rekstri Arion banka sem var birt í morgun.
AKKUR mun fjalla nánar um uppgjörið eftir að það hefur verið birt þann 12. febrúar næstkomandi. Þá kemur í ljós hvort að það sé ástæða til að endurskoða spár fyrir undirliggjandi rekstur bankans.
Spá AKKUR og meðaltal greiningaraðila