Í tilefni af útboði á hlut ríkisins í Íslandsbanka gefur AKKUR út samantekt um bankann þar sem farið er yfir uppfært verðmat á bankanum, horfur í rekstri, umfjöllun um uppgjör fyrsta ársfjórðungs o.fl.
Samhliða útgáfu á samantekt er frumskýrsla um Íslandsbanka birt í fullri lengd og nálgast má bæði samantektina og frumskýrsluna hér að neðan.
Bent er á að allir útreikningar miða við stöðuna í lok dags föstudagsins 9. maí þegar gengi Íslandsbanka var 114kr á hlut.
Niðurstaða verðmatsins er gengið 145kr á hlut sem er u.þ.b. 36% yfir útboðsgengi, sjá nánari upplýsingar í samantekt. Einnig er farið yfir einfaldari útreikning á virði bankans, svokallaður servíettuútreikningur, auk viðeigandi næmnitaflna.
Í samantektinni má sjá hvert samspilið er á milli arðsemi eiginfjár (ROE) og verðlagningu banka en eftir því sem arðsemi er hærri eru bankar almennt verðlagðir hærra sem hlutfall af eigin fé. Þar má einnig finna samanburð á verðlagningu íslensku bankanna við stærstu banka Norðurlandanna en eins og sést þar eru íslensku bankarnir alls ekki dýrir í þeim samanburði.
Eins og fyrr segir eru útreikningar í samantektinni miðaðir við stöðuna í lok dags föstudaginn 9. maí en hér má sjá sömu töflu og finna má í samantektinni þar sem margfaldarar Íslandsbanka hafa verið uppfærðir m.v. útboðsgengi en annað er óbreytt.
* Arðsemi Kviku er arðsemi bankareksturs á efnislegt eigið fé bankareksturs
Niðurstaða verðmats lækkar frá útgáfu frumskýrslu sem er fyrst og fremst vegna þess að greiddur var út arður í millitíðinni, útgreiðslur í formi arðgreiðslna og endurkaupa hafa færst aðeins til í tíma í verðmati auk þess sem ávöxtunarkrafa hækkar örlítið.
