VIÐBRÖGÐIN VORU SEND TIL ÁSKRIFENDA Í KJÖLFAR UPPGJÖRS OG ERU BIRT OPINBERLEGA NÚNA - NEÐANGREINT MIÐAST VIÐ ÞÆR UPPLÝSINGAR SEM LÁGU FYRIR KVÖLDIÐ 22. OKTÓBER 2025.
STUTTA ÚTGÁFAN
Þriðji ársfjórðungur lítillega undir væntingum en uppfærðar horfur meiri vonbrigði
Jákvætt:
Fækkun stöðugilda milli ára
Tekjuþróun fjórða ársfjórðungs batnar frá lokum annars ársfjórðungs
Brugðist við áskorunum með því að minnka flota næsta sumar
Neikvætt:
Kostnaðarhlutföll of há
Sterkt raungengi gerir félaginu erfitt fyrir
EBIT horfur fyrir 2025 undir væntingum AKKUR
Icelandair birti uppgjör fyrir þriðja ársfjórðung 2025 fyrr í dag en félagið birti afkomuviðvörun þann 15. október sl. og þ.a.l. lítið sem kom á óvart í uppgjörinu sjálfu.
Líkt og rakið var í viðbrögðum AKKUR við afkomuviðvörun var uppgjör 3. ársfjórðungs örlítið undir væntingum. Hins vegar voru væntingarnar ekki miklar, og voru lægri en stjórnendur höfðu gefið til kynna í kjölfar uppgjörs fyrir 2. ársfjórðung, og niðurstaðan því vonbrigði.
Í þetta skiptið voru tekjur örlítið undir væntingum AKKUR á meðan kostnaðar var í takt við væntingar, þó það hafi verið misjafnt milli kostnaðarliða.
Hér að neðan má sjá samantekt á uppgjöri félagsin borið saman við spá AKKUR.
Eins og sést á þessari samantekt eru flutningstekjur og leigutekjur lítillega undir væntingum á meðan aðrar rekstrartekjur eru lítillega yfir væntingum.
Rekstrarkostnaður var lítillega undir væntingum, þar munaði mest um launakostnað en þar munar mestu um fækkun stöðugilda milli ára. Allur annar kostnaður var nokkurn veginn í samræmi við væntingar nema kostnaður við þjónustu við farþega sem var töluvert yfir væntingum sem var vegna bótagreiðslna til farþega.
Jákvæðir punktar
Stöðugildum fækkar um 2% á milli ára á sama tíma og sætiskílómetrar aukast um 2%. Stjórnendur eru greinilega að auka nýtingu innviða en engu að síður eykst launakostnaður um 13%, að mestu leyti vegna veikingu USD.
Greint er frá því að tekjuhorfur fjórða ársfjórðungs hafi batnað frá síðasta uppgjöri, hins vegar eru afkomuhorfur líklega verri.
Vegna þeirra áskorana sem félagið stendur frammi fyrir hefur það ákveðið að fækka í flotanum næsta sumar um tvær vélar. Stjórnendur telja sig greinilega geta náð betri nýtingu úr núverandi innviðum og skynsamlegt að halda að sér höndum á meðan umhverfið er þeim óhagfellt.
Neikvæðir punktar
Kostnaðarhlutföll eru of há. Líkt og komið var inn á að ofan fækkaði stöðugildum á milli ára á þriðja ársfjórðungi en launakostnaður jókst engu að síður um 13%. Launahlutfallið, launakostnaður sem hlutfall af tekjum, nam 22,0% á fjórðungnum samanborið við 20,5% árið 2024 og 20,1% árið 2023. Stærsta ástæðan er líklega veiking USD og ekki eitthvað sem félagið hefur stjórn á en mögulega þarf bara að skera meira niður í starfsmannafjölda. Það er amk ljóst að svigrúm til launahækkana er takmarkað miðað við stöðuna í dag. Rekstrarkostnaður flugvéla er sömuleiðis of hár, kostnaðurinn sem hlutfall af tekjum var 20,5% á síðasta fjórðungi samanborið við 19,1% og 16,8% síðustu tvö ár.
Sögulega sterkt raungengi er að gera félaginu erfitt fyrir. Á meðan þróunin breytist ekki dregur úr samkeppnishæfni félagsins á alþjóðlegum mörkuðum, ásamt öðrum útflutningsfélögum.
EBIT horfur félagsins fyrir árið 2025 eru undir væntingum AKKUR. Horfurnar voru færðar niður í kjölfar uppgjörs annars ársfjórðungs og var þá gert ráð fyrir EBIT yrði „öðru hvoru megin við núllið“. Nú er búið að uppfæra horfurnar og gert er ráð fyrir að EBIT neikvætt um $10-20m Horfurnar eru vonbrigði og útlit fyrir að fjórði ársfjórðungur verði mjög krefjandi.
Niðurstaða
Uppgjör fjórðungsins var lítillega undir væntingum en uppfærðar horfur fyrir 2025 eru undir væntingum og meiri vonbrigði.
Útlit er fyrir að horfur næsta árs verði færðar niður á við við næstu uppfærslu.
Verðlagning
Miðað við dagslokagengi í dag er markaðsvirði félagsins 36ma eða $291m. Heildarvirði félagsin er um 76ma eða $619m. Félagið er því metið á 3,7x EBITDA síðustu 12 mánaða og P/B 0,86x.