VIÐBRÖGÐIN VORU SEND TIL ÁSKRIFENDA Í KJÖLFAR UPPGJÖRS OG ERU BIRT OPINBERLEGA NÚNA - NEÐANGREINT MIÐAST VIÐ ÞÆR UPPLÝSINGAR SEM LÁGU FYRIR KVÖLDIÐ 10. NÓVEMBER 2025.
STUTTA ÚTGÁFAN
Gott uppgjör og rekstrarhagnaður í samræmi við væntingar
Jákvætt:
Sterkur tekjuvöxtur
Matsbreyting umfram væntingar
Neikvætt:
Ekkert minnst á frekari endurkaup
Reitir birtu uppgjör fyrir þriðja ársfjórðung 2025 fyrr í dag. EBITDA tímabilsins er í samræmi við væntingar AKKUR á meðan hagnaður er umfram væntingar vegna hærri matsbreytinga og lægri fjármagnskostnaðar en spá gerði ráð fyrir.
Hér að neðan má sjá samantekt á uppgjöri félagsins borið saman við spá AKKUR og fyrra ár.
Eins og sést á þessari samantekt eru tekjur og kostnaður, og þ.a.l. EBITDA, í samræmi við væntingar. Stjórnunarkostnaður er lítillega yfir væntingum en hreyfir nálina mjög lítið. Matsbreyting er langt fyrir væntingum og er jákvæð matsbryeting í öllum eignaflokkum.
Eins og sést á samanburði við fyrra ár er reksturinn að batna töluvert á milli ára. Tekjur aukast um 10,6 og EBITDA um 10,5%. Líkt og kom fram í frumskýrslu AKKUR um Reiti er gert ráð fyrir að þessi þróun haldi áfram eftir því sem nýjar eignir og þróunarverkefni verða tekjuberandi.
Jákvæðir punktar
Tekjuvöxtur er áfram sterkur eftir því sem eignasafnið stækkar með nýjum eignum og þróunarverkefni verða tekjuberandi. Tekjuvöxtur á þriðja ársfjórðungi var 10,6% samanborið við fyrra ára og tekjuvöxtur fyrstu 9 mánaða ársins var 10,5%. Samkvæmt væntingum stjórnenda munu tekjur vaxa áfram um 6% að raunvirði á ári til ársins 2027 þegar þær verða um 21,5ma.
Matsbreyting var langt umfram væntingar þrátt fyrir hækkandi raunvexti. Ávöxtunarkrafa félagsins í mati eigna var óbreytt frá 30/6 eða 6,79% (raunvextir). Allir eignaflokkar eru meðjákvæða matsbreytingu en mestu munar um tæplega 1,2ma matsbreytingu þróunareigna.
Neikvæðir punktar
Ekkert minnst á frekari endurkaup eigin bréfa í uppgjörstilkynningu en síðustu endurkaupaáætlun lauk í síðustu viku.
Niðurstaða
Gott uppgjör þar sem EBITDA er í samræmi við væntingar auk þess sem matsbreyting var langt yfir væntingum.
Verðlagning
Miðað við dagslokagengi í dag er heildarvirði félagsins 234ma að teknu tilliti til eigin bréfa sem þýðir að það er metið á 18,5x EBITDA síðustu tólf mánaða (leiðrétt fyrir bókfærðu virði þróunareigna) eða 16,9x EBITDA ársins 2026 miðað við áætlun AKKUR.
Heildarvirði á fermeter er tæplega 490þkr og P/B (leiðrétt fyrir tekjuskattsskuldbindingu) er 0,90x.
Myndin hér að neðan sýnir sögulega þróun á leiðréttum EV/EBITDA hlutfalli hlaupandi tólf mánuði frá skráningu.
