NOVA - Servíettuútreikningur

Uppgjör NOVA fyrir þriðja ársfjórðung olli vissulega vonbrigðum en ekki er hægt að horfa framhjá því að félagið er engu að síður verulega undirverðlagt að mati AKKUR. Verðmat í Frumskýrslu var 7,3kr á hlut sem er tæplega 70% yfir núverandi gengi en verðmat verður uppfært síðar.

Í þessum pósti verður aðeins leitast við að stilla upp mjög einföldum “servíettuútreikningi” á mögulegu virði félagsins eftir að félagið seldi RAN eignir sínar til Sendafélagsins.

Til upprifjunar var Míla seld á tæpa 70ma til Ardian árið 2022 en EV/EBITDA í þeim viðskiptum var á bilinu 13-16x eftir því hvaða rekstrarárs liggur til grundvallar. Vert er að benda á að Míla stóð í gríðarlegum fjárfestingum á þessum tíma og hefur haldið því áfram undanfarin ár og CAPEX verið 75-100% af EBITDA árin 2021-2024.

M.v. tilkynningar NOVA og Sýn um viðskiptin verður Sendafélagið með um 1,3ma í EBITDA og 800mkr í CAPEX. Þá á eftir að taka tillit til mögulegs hagræðis í rekstri og fjárfestingum með því að sameina reksturinn í eitt félag en látum það liggja milli hluta.

Áhrifin á NOVA verða þau að EBITDA lækkar lækkar um 930mkr og CAPEX um 600mkr á ársgrundvelli. Ef við gerum ráð fyrir að EBITDA félagsins hefði að öðru óbreyttu verið um 4,5ma árið 2026 þýðir það að hún verði tæplega 3,6ma.

Nettó skuldir Sendafélagsins verða 2,6ma sem eru skuldir við NOVA og Sýn en gert er ráð fyrir að félagið muni endurfjármagna sig strax á næsta ári og greiða upp hluthafalánin. Áhrifin á nettó skuldir NOVA eru að þær lækka eftir endurfjármögnun.

M.v. núverandi gengi NOVA mætti segja að verið sé að meta undirliggjandi rekstur NOVA á 5x EBITDA og Sendafélagið á 12x EBITDA sem er heldur lágt.

Forsendur á bakvið töflu;